Legjenda e kafese Etiopia, vendi i origjinës së kafesë, para se të fillonte tregtimin e kafesë, i mblidhte këto kokrra që ngjasojnë shumë me kokrrat e qershisë nga një bimë në formë shkurreje e cila mund të ndodhej në thellësitë e pyllit. Në atë periudhë konsumohej pulpa e ëmbël e ketij fruti, veprim i cili dhe sot e kësaj dite kryhet në Afrikën Qëndrore, nëpërmjet proçesit të fermentimit duke dhënë një pije alkolike mjaft aromatike. Por konsumimi i pulpës nuk ishte i vetmi që konsumohej në atë periudhë, pasi konsum të gjerë kishte dhe përdorimi i gjetheve të bimës së kafesë duke i coptuar në gojë, siç bëhet dhe sot në ANDE me gjethet e kakaos, ose përdoreshin për pregatitjen e cajit. Mendohet se personi i parë i cili përdori frutin e kësaj bime, ishte një bari dhensh i cili vuri re se dhentë e tij, kishin shumë energji dhe nuk flinin natën pasi kullotnin në një lëndinë ku kishte disa shkurre të veçanta. Vëmëndje i tërhoqën dhe frutat e kësaj bime të cilat ishin shumë të ngjashme me ato të qershisë dhe vendosi të merrte disa e ti provonte. Efekti që ndjeu ishte i mahnitshëm, pasi përveç shijes së mirë që kishin, këto kokrra i dhanë bariut dhe shumë energji. Ai ja kaloi dhe disa murgjeve këto kokrra bashkë me gjethet e tyre, të cilat këta të fundit, i përdorën si pije energjike gjatë qëndrimit zgjuar netëve të lutjeve. (Toussaint et al. 1996)